Дуучин Шакирагийн нэг сартай хүү Милан аль хэдийнэ хөлбөмбөгийн фанат болжээ. Мэдээж, аавынхаа тоглодог Барселона багийн фанат. Хүүгээ төрмөгц л Барселонагийн ирээдүйн тоглогч болно хэмээн зарласан дуучин бүсгүй  Миланыг дөнгөж хоёр долоо хоногтой байхад анхны хөлбөмбөгийн тэмцээнийг нь үзүүлсэн бол мягмар гаригийн шөнө болсон Барселонагийн Миланы эсрэг хийсэн шийдвэрлэх тоглолтыг ч  хамтдаа үзжээ. Тэгэхдээ бүх Барселонагийн бяцхан өмсгөлтэй шүү. Хүүгийнхээ үзсэн тоглолт дээр Жерард Пике, Барсагийнхан бүгд сайн байж, 4:0-оор ялалт байгуулсан юм.