Энэ зураг танд хэн нэгнийг санагдуулахгүй байна уу. Тийм ээ, АНУ-ын Ерөнхийлөгч Б.Обаматай тун ч төстэй байгаа биз. Хамгийн “харамсалтай нь” энэ бол “History Chanel”-аар өчигдөр дамжуулсан “Библь” хэмээх цуврал кинонд гардаг Сатаны дүр юм.  Жүжигчин Мехди Узаанигийн бүтээсэн Сатаны дүр чухам яагаад АНУ-ын Ерөнхийлөгчтэй тийм адилхан болсныг үзэгчид маш их гайхаж байна. Кино өчигдөр гарч эхэлмэгцээ үзэгчдийн анхаарлыг маш их татаж, Ерөнхийлөгчтэй адилхан чөтгөрийг харах гэж 13,1 сая үзэгч “Библь” цувралыг үзсэн бйна.  Энэ бол “Америкийн шүтээн” нэвтрүүлгийн үзэгчдээс ч давж гарсан гэсэн үг. Кино гарч дуусаагүй байхад л энэ тухай твиттерээр шуугьж эхэлсэн бөгөөд Сатан, Обама хоёрын адилхныг гайхаж байв.

Гэхдээ энэ удаагийн явдал Жорж Бушийг дуурайлгасан HBO-гийн цуврал шиг муу явдал араасаа дагуулахгүй байх гэж кино уран бүтээлчид найдаж байна. HBO телевизээр дамжуулсан “Games of Thrones”  цувралын нэг хэсэгт Ерөнхийлөгч асан Жорж Бушийн царайтай маш адилхан төрх бүхий дүр гарсан нь тус телевизийн уран бүтээлчдийг маш эвгүй байдалд оруулж, киноны DVD-г нь худалдаалахыг хориглож байсан удаатай. Киног хийсэн уран бүтээлчид мөн хийсэн алдааныхаа төлөө уучлал гуйсан юм.