Тэднийг салсан гэх яриа ойрын хэд хоног хэвлэлийн хуудаснаас салаагүй ч “Twilight”-ын хос одоо хүртэл хамтдаа байгаа гэдгээ харууллаа. Роберт Паттинсон Австралид киноны зураг авахуулж, хэсэг хугацаанд Кристенээс хол байхдаа холбоогоо таслаад салахдаа тулаад байна гэж ойрын эх сурвалжууд нь мэдээлж байсан ч тэрээр дурлалт бүсгүйдээ эргээд иржээ. Роберт АНУ-д буумагцаа Кристенийд ирсэн бөгөөд тэд уулзсан баяраа тэмдэглэж найзуудтайгаа хамт караоке бааранд орох үеэр нэгэн фэн нь тааралдаж, хамт зургаа авахуулснаа Твиттерт цацсан байна. Роберт Паттинсоны шинэ уран бүтээл “The Rover” киноны зураг авалт дууссан учир хос хоёр нэг хэсэгтээ хамт байх бололтой.