Харвардын их сургуулийн эрдэмтэд нас уртасгах хоол хүнсээр улаан загасыг нэрлэжээ. Хэрэв хоёр жилээр урт насалъя  гэж байгаа бол долоо хоногт хоёр удаа улаан загасны мах идэж бай гэж тэд зөвлөж байна.
Ийм гаргалгааг тэд америкийн иргэдийн эрүүл мэндийн байдалд судалгаа хийсний дүнд гаргажээ. Тэд 65-аас дээш насны 2,5 мянган хүнийг сайн дураар нь сонгон авч судалсан байна. Гэтэл тэдний цусанд зүрх судасны өвчин үүсгэхгүй байхад нөлөөлдөг тосны хүчил бүхий  Омега-3 илүү байгааг анзаарчээ.  Энэ хүчил нь улаан загасны өөхөнд илүүтэй байдаг байна. Ингэхээр долоо хоногт ядаж хоёр удаа улаан загасны мах идээд байвал наснаас шалтгаалдаг зарим өвчнийг эсэргүүцэх тийм хүчил цусанд нэмэгдэх гэнэ. Судалгааны явцад улаан загасны мах нь зүрхний шигдээс болон цус харвах эрсдэлийг  40 хувь  бууруулна гэсэн дүгнэлт гарчээ.
“Энэ судалгаа улаан загасны мах идсэнээр нас өндөрснөөс болдог өвчний эрсдэлийг бууруулах болно гэдгийг харууллаа. Тэгэхээр долоо хоногт ядаж хоёр удаа улаан загас идэж байх нь насжуу хүмүүсийн эрүүл мэнэдэд тустай” гэж профессор Дариуш Мозафариан тэмдэглэжээ.