Машиныг чинь унаа хөсөг болгохоос гадна эр зориг, ур чадвараа гайхуулах хэрэгсэл болгож бас болно гэдгийг Саудын Аравын залуучууд харуулж байна. Тэдний үзүүлдэг энэ гайхамшгийг “sidewall skiing” буюу хоёр дугуйн дээр нь хурдлах гэдэг гэнэ.

Хэдэн жилийн өмнө эндэхийн залуучуудын ийм үзүүлбэрийн бичлэгийг  youtube сайтад тавьсан нь үзэгчдийг байлдан дагуулж байсан билээ. Одоо тэд бүр ч аюултай үзүүлбэр хийдэг болж. Машин хоёр дугуйн дээрээ хурдалж байхад зорчигч нь нь машинаасаа гараад хажуу бөөрөн дээр нь зогсох юм уу, машиныхаа дугуйг сольж байх жишээтэй.

Ийм аюултай үзүүлбэр үзэгчдийн хэдийний танил болсон “Хаззардаас ирсэн тэнэгүүд”, “Бүгдийн эрдэнэс” зэрэг кинон дээр гардаг л даа. Автомашинаар үзүүлдэг аймшигт үзүүлбэрүүд нь нэгэн төрлийн спорт гэж бас болно. Ингэж хоёр дугуйн дээрээ хурдлахаас гадна машин зам дээр хэвтээд машин дээгүүр нь асар хурдтай явж өнгөрөх ч байна.