Цэргүүдээ уриалан дуудаж давшилтад орж байгаа энэ цэргийн зураг Аугаа их Эх орны дайны үеийн хамгийн алдартай зургийн нэг. Дайны төгсгөлд германы Рейхстаг дээр улаан туг мандуулж байгаа зурагтай эн дүйхүйц зураг. Улс төрийн бага удирдагч Алексей Еременко дайчдаа давшилтад уриалон боссоноосоо, энэ зургийг авхуулснаасаа хойш хэдхэн секундын дараа амь үрэгдсэн. Гэрэл зурагчин Макс Альперт өөрийнхөө “Комбат” буюу батальоны захирагч гэж андууран нэрлэсэн энэ хүний хэд хэдэн кадр зураг дарсан ч сумны хэлтэрхий аппаратыг нь гэмтээчихэж. Тэгээд авсан зураг маань нэгэнт гарахгүй боллоо гэж бодоод тухайн хүнийхээ нэрийг ч асууж тэмдэглэж авсангүй. Хожим нь очоод хальсаа угаагаад үзтэл  зураг тодоос тод гарсан байх нь тэр.

Тэгээд бүүр хожим зураг дэлхий дахинаа алдаршаад түгээд ирэхэд “Комбат” зургийн баатрын нэр тодорхой болжээ. Тэр нь 1906 онд төрсөн Алексей Гордеевич Еременко гэгч байж. Энэ зураг дээр гарсан залуухан дарга ердөө хэдхэн секундын дараа амь алдсан ч энэ зургаараа дайн дуустал улс төрийн удирдагчийнхаа үүргийг “гүйцэтгэж” ямар их урам, сэтгэлийн тэнхээ өгөө бол.
Зургийг 1941 оны долдугаар сарын 12-нд Луганск мужийн Славяносербскийн районд Лугань болон Лозовая голын хооронд буудлагын 4-р дивизийн 220 дугаар хорооны дайсантай хийсэн цус асгаруулсан тулааны үеэр авсан гэдэг.