Эцэг эх нь манай гариг дээрх хамгийн өндөр хосууд юм чинь хүүхдүүд нь бас л тэгэж өсөх юм болов уу. Кейши, Вилко хоёрын гэр бүл бол ийм л байх янзтай. Тэдний саявтар төрсөн охин Иона нь 4,2 кг жинтэй, 56 см гээд л бод доо. Энэ дэлхий дээр шинэ төрж байгаа хүүхдийн ердөө 2-хон хувь нь л ийм өсөлттэй байдаг гэнэ шүү дээ.

1.    Кейша бүсгүй 198 см өндөр бол нөхөр Вилко нь 213 см өндөртэй. Үүгээрээ тэр хоёр манай гариг дээрх хамгийн өндөр хос болж дээд амжилтын Гиннесийн номд ороод байгаа юм.

2.    Одоо 32 настай Кейша “Ээж байх хамгийн жаргалтай. Миний хүүхдүүд аав ээж шигээ өндөр болж өсөөсэй л гэж бодож байна. Бид гэр бүлээрээ дэлхийн хамгийн өндөр гэр бүл байвал сайхан шүү дээ” гэж ярьж байна. Кейшад таарах жирэмсний хувцас олддоггүй болохоор тэр жирэмсэн байхдаа үргэлж л эрэгтэй хүний хувцас өмсдөг байсан гэнэ.

3.    Кейша сургуулийн хамгаалагчаар ажиллаж байхдаа өндөр хүмүүст зориулсан клубт Вилкотой анх танилцжээ. Тэд 2001 онд гэрлэснийхээ дараа л байнга л бөхийж орж гарч байхгүйн тулд гэрийнхээ гадна дотно бүх хаалгыг өндөрсгөсөн гэсэн.

4.    Харин Вилко охиныхоо тухай “Ионо манай гэр бүлд ёстой гайхамшиг шүү дээ. Лукас, Ева хоёр түүнд бүр ухаангүй хайртай. Бидэнд нэг бэрхшээлтэй асуудал гараад байгаа нь хүүхдүүдээ дугуй унах сургах. Тэд хэт өндөр болохоор их бөгтийх хэрэг гардаг” гэж ярьж байна.

5.    Ер нь өндөр хүмүүст таарах гутал, хувцас олох, таалагдсан нь таарахгүй, таарсан нь таалагдахгүй гээд бэрхшээл мундахгүй.  Кейшад гэхэд л эмэгтэй хүний даашинз яг эрэгтэй цамц шиг харагдана. За нэг давуу тал нь тавиур дээрээс юм авахдаа л төвөггүй юм биз дээ.