Поп хөгжмийн хоёр залуу од хамтран уран бүтээл хийж байгаа бололтой. Майли Сайрус, Жастин Бибер нар өнгөрсөн долоо хоногт нэг студид ажилласнаас ийм таамаг гараад байна. Шоу бизийн ертөнцийн хов живийг хүргэдэг “Perez Hilton”-ны нэгэн эх сурвалжийн хэлснээр хоёр од үнэхээр шинэ дуу гаргахаар ажиллаж байгаа гэнэ.   Майли Сайрус ч шинэ уран бүтээл дээр хэн нэгэнтэй хамтран  ажиллаж байгаа гэдгээ Твиттерээрээ зарласан ч хэн гэдгийг нь нууцалсан юм. Тэд хамтын уран бүтээлээ одоохондоо нууцлахыг хүсч байгаа бололтой. Студиэс ээлж дараалан нууц байдлаар гарч явсан нь паппарацын дуранд өртжээ.
 
Майли Сайрус студиэс гарахдаа гэрэл зурагчдаас нуугдахыг оролджээ.