Оддын амьдралын талаар мэдээлдэг E! News дуучин Бионсег хоёр дахь хүүхдээ тээж байгаа гэдэг мэдээллийг баталгаатай эх сурвалжаас авсан хэмээн мэдээлж, шуугиан тариад байна. Тэд маш ойрын эх сурвалжаас энэ мэдээллийг авсан гээд Бионсе, Жэй-Зигийн охин Блю Айви удахгүй дүүтэй болно хэмээн итгэлтэйгээр мэдээлж байна. Гэвч дуучин бүсгүй өөрөө энэ эцэс төгсгөлгүй яриаг маш бухимдалтайгаар хүлээн авчээ. Тэрээр сүүлийн хэд хоногт шар хэвлэлийн нүүр бүхэнд гарч буй түүний жирэмсэн эсэхийг таамаглаж ядсан мэдээллийн хариуд инстаграмаар мэдэгдэл хийхдээ “Би энэ цуу яриаг эхнээс нь л зогсоож чадаагүй. Би хүмүүсийн оюун санааг өөрчилж чадахгүй. Миний чадах зүйл гэвэл миний тухай ярихаас илүүг хийж чадахгүй өчүүхэн хүмүүсийг харж инээж суух л байна” гэжээ.  
Хэдийгээр  Бионсе өөрөө ингэж мэдэгдсэн ч энэ долоо хоногийн эхээр эрүүл мэндийн шалтгаанаар Бельги дэх тоглолтоо хойшлуулсан, нэг тоглолтынх нь үеэр хэвлий нь мэдэгдэхүйц том харагдаж байсан зэргээс түүнийг бие давхар болсон байх гэдэг яриа гараад байгаа юм.