Зодог тайлж, хөлбөмбөгийн спортыг ардаа орхисноор Дэвид Бекхэм зар сурталчилгааны аварга том ертөнцөд эргэлт буцалтгүйгээр орлоо. Ердөө өнгөрсөн долоо хоногт хамгийн сүүлчийн удаа талбайд гарсан тэрээр өчигдөр өөрийн гэрээтэй ажилладаг "H&M" брэндийг сурталчлах үйл ажиллагаанд оролцжээ. Дэвид Бекхэм Парис дахь "H&M"-ийн салбар дэлгүүрт хүрэлцэн ирж, тэндээс өөрийнх нь сурталчилдаг эрэгтэй хүний хувцас авсан үйлчлүүлэгчдэд гарын үсгээ зурж өгсөн байна. Тэрээр "H&M"-ийн дэлгүүрт тус брэндийн хувцсыг өмссөн байжээ.