Дэлхийн илбийн рeкордын эзэн Австралийн алдарт илбэчин Бен Мурфи /Ben Murphy/ өөрийн дахин давтагдашгүй шилдэг үзүүлбэрүүдээ анх удаагаа монголын үзэгчдэд толилуулахаар ирэх 6-р сарын 1,2-нд, 14:00, 19:00 цагуудаас “Улаанбаатар Палас”-ын концертын их танхимд "Дэлхийн илбэ монголд" нэртэй шоу тоглолтоо хийх гэж байгаа билээ.
Тэрээр дэлхийд данстай шилдэг илбэчин маань өчигдөр манай эх оронд хүрэлцэн ирсэн бөгөөд өнөөдөр 12:00 цагаас “Blue sky” цамхагийн III давхарт байрлах “Diamond” танхимд манай хэвлэл мэдээллийнхэн болоод дотоод гадаадын үнэнч шүтэн бишрэгчидтэйгээ уулзаж шоу тоглолтын талаархи дэлгэрэнгүй мэдээлэл хүргэхээс гадна хүрэлцэн ирсэн зочдод зориулан дэлхийн илбийн гайхалтай үзүүлбэрээс сонирхуулах юм.
Сонирхуулахад "Бен Мурфи" дэлхийн аль ч улс оронд тоглолтоо хийхдээ хамгийн эхэнд хэвлэл мэдээллийнхэнд талархалаа илэрхийлдэг уламжлалтай бөгөөд өнөөдрийн хэвлэлийн хуралд хүрэлцэн ирсэн бүх сэтгүүлчдэд тоглолтынхоо урилгыг гардуулах аж.
Ийнхүү дэлхийн илбэчний монголд тоглож буй анхны тоглолтын ерөнхий зохион байгуулагчаар “Ариана Уорлд” ххк ажиллаж байгаа бөгөөд хамтран зохион байгуулагчаар монголын хошин урлагийн хамгийн ууган хамтлаг болох “Шилдэг өнгө” продакшн, Монголын илбэчдийн холбоо, Хулан циркус групп нар ажилаж байгаа бөгөөд мэдээллийн албан ёсны онлайн түгээгчээр мэдээллийн хөтөч www.DORGIO.mn, урлаг соёлын мэдээ мэдээллийн нэгдсэн www.URLAG.mn сайтууд ажиллаж байгаа ажээ. Мөн тус шоу тоглолтын хөтлөгчөөр олон улсын илбэчдийн холбооны гишvvн, улсын циркийн илбэчин, СТА Ц.Баярсайхан ажиллах гэнэ.

urlag.mn