Монакод амьдардаг оросын 37 настай бизнесмен Василий Клюкин францын Каннд болсон буяны дуудлага худалдаанаас Холливудын нэр жүжигчин Леонардо ди Каприотой хамт сансарт нисэх тасалбар худалдаж авсан байна.
ДОХ-той тэмцэх, энэ талын судалгаа хийдэг AmFAR байгууллагын  зохион байгуулсан дуудлага худалдаан дээр жүжигчинтэй хамт нисэх тасалбарыг нэг сая еврогоор үнэлж  эхлүүлсэн ч сонирхогчид дуудсаар 1,2 сая еврод хүргэжээ.  
Харин сансрын нислэгийг 2014 онд Virgin Galactic компани зохион байгуулах юм. Ингэснээр оросын бизнесмен, холливудын жүжигчин хоёр жуулчлалын анхны нисэгчид болох юм байна. Дуудлага худалдааны үеэр сансарт нисэх өөр бас хоёр тасалбарыг 2,3 сая доллараар худалдсан ч хэн худалдан авсныг зарлаагүй байна.