Өнөөгийн том хотуудад хэчнээн хүн амьдарч ажилладаг билээ. Тэр хүмүүс хэчнээн машинтай билээ. Тэгэхээр энэ олон машинаа хаана тавьж, ажлаа амар тайван хийх вэ хэмээн үргэлж санаа зовж байдаг. Энэ бүхий л бэрхшээлийг манай Улаанбаатар хот хамгийн их мэдэрч, хэлэх үг, шийдэх аргаа олохгүй байгаа. Тэгвэл энэ бэрхшээлийг хэрхэн шийдэж болохыг Хонконгийн “Alternative Car Park” яруу тодоор харуулж байна. Энэ цамхгийн төслийг  олон улсын архитекторуудын уралдаанд зориулан бүтээж нэгдүгээр байрт шалгарсан юм.
Эхлээд уг нь авто машины аварга том зогсоол байгуулахаар төлөвлөсөн ч хотын иргэдийн тусын тулд өөр бас нэмэлт байгууламж байгуулж болох нь ээ. 

Цамхгийн дээвэр дээр хот, далай харах тавцан, кафе байж болно. Ер олон нийтийн өөр олон үйлчилгээ энэ барилгад байх юм. Мэдээж ажлын бус өдөр, амралтын үеэр машины зогсоолын нэлээд хэсэг нь суларна. Ийм үед доод давхруудад түр хугацаагаар худалдааны зах ажиллуулж болно. Ингэснээр цамхгийн эзэд ч гэсэн, бусад хүмүүст ч ашигтай, багахан хөөрхөн бизнес эрхлэх боломж нээгдэнэ.

Мэдээж дээд давхруудад машин зогсдогоороо л зогсч байх ч эзэд нь хэзээ ч ирээд авахад цахилгаан шат бэлэн, тэр нь хэнд ч садаа болохгүй.