Ердөө хэдхэн жилийн өмнө өсвөр насны бяцхан хүү байсан дуучин Жастин Бибер одоо л жинхэнэ од болж буй бололтой. Тэрээр хамтран ажиллагсдадаа янз бүрийн шаардлага тавих болсон байна. Мэрай Кэри, Селин Дион гээд алдартай одод заримдаа энд тэнд очихдоо санаанд багтамгүй шаардлага тавьдаг тухай шар мэдээллүүд гардаг. Тэгвэл Жастин Бибер ч бас тийм шаардлага тавьдаг болсон гэнэ. Тэрээр саяхан нэгэн студид зураг авахуулах үеэрээ хэн ч түүнтэй ярьж, гар утсаа дуугаргаж,  гарын үсэг авахыг хүсч болохгүй гэсэн шаардлага тавьжээ. Тэр ч бүү хэл санамсаргүй тохиолдлоор ч болов  экс найз охин Селена Гомезынх нь дууг ойр хавьд нь сонсгохыг хориглосон гэнэ.  Тэрээр бас зураг авалтад ирэх үед ургамлын цай, швед загасаар хийсэн порц ихтэй хоол, хоёр пакет Харибо, кока-кола, хэд хэдэн ээлжийн цагаан цамч, оймс байх ёстой гэсэн байна.

Ер нь, сүүлийн үед Жастин Биберийн сонин хачин авирын тухай Америкийн хэвлэлүүд их бичих болсон. Тэрээр энэ долоо хоногийн эхээр шүүхэд дуудагдсан нь нэгэн гэрэл зурагчны гэдэс рүү өшиглөсөн гомдлын тухай байжээ.