Рок дуучин Аврил Лавин хэдхэн хоногийн өмнө Францад хийсэн хуримандаа уламжлалт цагаан даашинзны оронд харыг өмсчээ. Түүний найз залуу Чад Крогер ч рокер нэгэн учраас сүйт бүсгүйнхээ сонголтыг хүндэтгэсэн бололтой. Тэдний хурим Францын өмнөд нутаг Канн хот дахь эртний цайзад болсон юм. Аврилын хувьд энэ анхны хурим нь биш боловч тэрээр хамгийн тансаг гэрлэх ёслол хийхээр хүссэний дагуу энэхүү цайзад дахин давтагдашгүй хурим хийж чаджээ. Хуримд хоёр талын ойр дотны 110 гаруй зочин уригдан ирсэн байна. Хуримын ёслол хөлтэйхөн болж үүрийн зургаан цаг хүртэл найрласан гэнэ.