Ямар нэгэн хөгжим сонсох ч юм уу, ажлын шаардлагаар чихэвч зүүдэг, тэр чинь тээртэй юм шиг санагддаг бол Рич Лигээс үлгэр авч болох нь. Биеийнхээ энд тэнд нь ямар нэгэн чип, өсгөгч суулгаж эд эрхтнийхээ чадамжийг нэмэгдүүлдэг  “Биеийн хакер”-ийн төлөөлөгч Рич Ли чихнийхээ тэнд дуу чимээ илүү мэдрэгч суулгаснаар дуртай дуу авиагаа хамгийн сайн мэдэрдэг болжээ. Ингэснээр тэр орчныхоо дууг ерийнхөөс хэд дахин илүүтэй мэдэрч чадах болсон байна.

Рич хэдэн жилийн өмнө харааныхаа зарим хэсгийг алдаж эмч ч хэдийд ч хараагүй болж мэднэ шүү хэмээн анхааруулсан юм байна. Ийм болохоор түүнд одооноос орчноо нүднээсээ илүүтэй дуу чимээгээр мэдэрч сурах хэрэгцээ байсан болохоор үүндээ дасч байх зорилгоор үүнийг хийсэн гэжээ.