Жүжигчин Ума Турман Францын өмнөд хэсэгт гэр бүлийнхэнтэйгээ амарч явна. Гэхдээ гэр бүлийн энэ амралтын үеэр нөхөртэйгөө хамт өнгөрүүлэх романтик хором мөчүүд ч түүнд багагүй олдож байгаа бололтой. Францын үндэсний баяр Бастилийн өдрөөр тус улсад амарч буй Турманы гэр бүл Гэгээн Тропез орчмоор тансаг далбаат завиар аялж байгаа аж. Одоо 43 настай У.Турманы нөхөр нь 50 настай, санхүүч нэгэн.
У.Турман өмнөх гэрлэлтээсээ 14, 10 насны хоёр хүүхэдтэй. Тэрээр жилийн өмнө одоогийнхоо нөхрийн хүүхдийг төрүүлсэн юм. Тэд уг нь 2007 оноос болзож эхэлсэн боловч 2009 онд хэсэг хугацаагаар салаад 2011 онд эргэж нийлээд удаагүй байхдаа хүүхэдтэй болсон. Тэд хараахан гэр бүлээ батлуулаагүй байгаа юм.