Супер модель Жизель Бундхен ирэх долоо хоногт найман сар хүрэх бяцхан охиныхоо чихийг цоолуулжээ.Коста Рикад гэр бүлээрээ амарч яваа модель бүсгүй охиндоо алтан ээмэг зүүлгэж, хүзүүг нь гоёлын зүүлтээр чимсэн байна. Харин энэ явдал олон нийтэд төдий л таатай санагдсангүй. Жизелийг ямар хатуу ээж вэ гэсэн шүүмжлэл гараад байна. Гэвч Латин Америкийн орнуудад охин хүүхдийн чихийг нялх багад нь цоолдог заншил бий. Жизель Бундхен ч Латин Америкаас гаралтай, Бразиль хүн учир уламжлалаа дагаж хүүхдийнхээ чихийг цоолуулсан хэмээн түүнийг өмөөрөх хэсэг ч байна.  Өмнөд Америкийн Никарагуа, Колумб, Венесуэль, Бразиль зэрэг улсад нялх охидын чихийг эмнэлэгт, ариутгасан зүүгээр цоолох нь маш түгээмэл байдаг. Чих цоолдог ердийн аппаратны зүүг ариутгах боломжгүй учир нялх хүүхдүүдэд ашигладаггүй гэнэ.