Өмнөд Солонгосын кино од Ли Бон Ён, Жи Сон нар зургаан жил хамтдаа байсны эцэст ирэх намар хуримаа хийхээр товложээ. 2004 онд SBS телевизээр цацагдсан “Сүүлчийн бүжгийг надад үлдээгээч” кинонд хамтран тоглосноор хайр сэтгэлтэй болсон хос хоёр өнгөрсөн хугацаанд харилцаагаа нууцалж байсан ч 2007 онд паппарацууд гэрэл зургийг нь дэлгэсэн юм. Тэд зургаан жил хамт байсан ч сүй тавьсан тухай огт мэдэгдээгүй тул магадгүй салсан байх гэж хэвлэлүүд бичиж байсан. Тэгвэл хос хоёр ирэх сарын 27-нд Сөүлд хуримаа хийнэ гэдгээ албан ёсны фэн хуудсандаа нийтэлсэн гараар бичсэн захидлаараа мэдэгджээ.