Хятадад урьд хожид болоогүй аагим халуун зун болж буй. Зуны халуун өдрүүдэд хүн бүр л сэрүүцэх арга эрж хайна. Харин нэг сэргэлэн аав хүүгээ хэрхэн сэрүүн байлгах хөгжилтэй арга бодож олжээ. Тэрээр томхон тарвасны хальсаар бяцхан хувцас “урлаж” хүүхдэдээ өмсгөснөөс олон эцэг эх санаа авч, энэ зун Вэнжоу хавиар багагүй моод болсон гэнэ. Тарвасаар хийсэн малгай, богино өмд, тэр бүү хэл гутал хүртэл хүүхдийг багахан хугацаанд сэрүүцүүлэхийн зэрэгцээ тэдний хөөрхөн хөгжөөгөөд авах нь дамжиггүй.