Хүн төрөлхтөний дунд үүссэн хамгийн хэцүү асуудал бол “Арьс өнгөөр гадуурхах үзэл”. Зохиолч Катерин Стоккеттын “The Help” туужаас сэдэвлэн бүтээсэн энэ кинонд хар арьст гэрийн үйлчлэгч эмэгтэйчүүдийн тэмцлийн талаар хүүрнэдэг. Тэгвэл Минигийн дүрээр Оскарын шагнал хүртсэн Октавиа Спенсер шүүхэд заргалдаж байгаа гэнэ. Учир нь тэрээр “Sensa” компанийн тураах бэлдмэлийг 5 сарын дотор хэрэглээд 23 кг хаяжээ. Ийнхүү өндөр үр дүнд хүрсэн учраас урамшиж түүнээс гадна “Sensa” олонд төдийлөн танигдаагүй байсан учраас компаний удирдлагууд Октавиатай эмийг хэт сурталчлахгүй байх, “өмнө нь-дараа нь” зураг авахуулахгүй байх зэрэг хэд хэдэн онцгой нөхцөлтэйгөөр 1.25 сая ам.долларын гэрээг байгуулсан юм. Гэрээний хугацаанд Октавиагийн зүгээс сурталчлах уулзалт, зөвлөгөө зэрэг бүхий л хөтөлбөрийг цаг тухайд нь биелүүлсэн ч тун удалгүй компанитай үл ойлголцож эхэлжээ. Октавиагийн үзэж буйгаар тэд гэрээнд заасан мөнгийг төлөхгүй гэсэндээ түүнийг “гэрээг зөрчсөн” хэмээн худал гүтгэж байгааг нь тэсэх аргагүй болсон учраас асуудлыг хуулиар шийдвэрлүүлээд зогсохгүй дээрх дүн дээр нэмэн 700,000 ам.доллар нэхэмжилсэн аж. Одоогийн байдлаар “Sensa” компани албан ёсоор мэдэгдэл хийгээгүй байгаа нь тэдний байдлыг улам муутгаж байна.