Нохой муур хоёрыг хэзээний өстэй амьтан гэж ярьдаг. Гэтэл амьдрал дээр огт өөр болохыг энэ түүхээс харж болно. Хятадын Юнвнань мужийн Куньмин хотын гудамжинд нохой муур гэсэн сонин хостой таарах төдийгүй муур нь нохойгоо унаад явж байгаатай таарна. Тэдний эзэн нь чөлөөнд гарсан цагдаа, 42 настай Сюй Зинь. Тэрээр “Би нохойгоо салхилуулаад гадуур явж байтал нэг муур дуугараад л байсан. Тэгэхээр нь би түүнийг бас өөртөө худалдан авъя гэж бодсон. Ингээд л энэ хоёр минь нөхөрлөж, муур маань нохойгоо унаад л хамт явдаг юм” гэж ярьж байна. Одоо тэр гурав байнга хамт явдаг. Юмыг яаж мэдэх вэ, төөрчихвөл  гээд Сюй Зинь нохойнхоо хөлд нь байрлал тодорхойлох смартфон бэхэлж өгсөн гэнэ.