Индонезийн Бали аралд болсон “дэлхийн мисс-2013” уралдаанаар манай гаригийн энэ оны хамгийн сайхан бүсгүйгээр Филиппиний гоо бүсгүй Меган Янг тодорсон байна. 130 орны гоо бүсгүйчүүд өрсөлдсөн энэ уралдааны хоёрдугаар байрт францын бүсгүй орсон бол гуравдугаар байрт Ганын гоо бүсгүй оржээ. Уламжлал ёсоор энэ оны гоо бүсгүйн титмийг өнгөрсөн оны мисс, Хята бүсгүй Юй Вэнься гардуулан өгсөн байна. Энэ оны гоо бүсгүй Меган Янг АНУ-д төрж, 10 настай байхдаа Филиппиндээ иржээ.

Хамгийн сайхан 10 бүсгүйд Гана, Ямайка, Испани, Индонези, Англи, Балба, Франц, Австрали, Бразили, Филиппин бүсгүйчүүд оржээ. Эднээс сүүлийн шатанд Франц, Филиппин, Гана, Бразили, Испанийн гоо бүсгүйчүүд өрсөлдсөн байна.
Үзэгчдээс хамгйин өндөр үнэлгээ авсан гоо бүсгүйгээр Гибралтарын гоо бүсгүй тодорчээ.