Уолт Дисней кино компани, найруулагч Роб Маршалл, хөгжмийн зохиолч Стифен Сондхейм, Жеймс Лафин нар алдарт “Into the Woods” хөгжимт киног шинэчлэн бүтээж байгаа билээ. Одоо зургаа авч эхлээд буй уг киноны зарим зураг олон нийтэд цацагдсан даруйдаа кино ертөнцөд шуугиан тариад байна. Олонд задарсан зургаас харвал Оскарын хоёр удаагийн шагналт жүжигчин Мерил Стрип эмгэн шулмын дүрд тоглож байгаа юм байна. “Into the woods” кинонд эмгэн шулмаас гадна Үнсгэлжин, Рапунзел зэрэг үзэгчдийн хэзээний танил дүр ч багтсан байгаа. Эдгээр дүрд ч бас Холливудын алдарт жүжигчид тоглож байгаагийн зэрэгцээ чонын дүрд Жонни Депп, үнсгэлжинд Энн Кейндрик, түүний ханхүүд Крис Пайн нар тоглож байгаа аж. Холливудын алдартнуудыг цуглуулсан энэхүү бүтээл ирэх оны зул сарын баярын өдрөөс эхлэн үзэгчдийн хүртээл болох юм.
