Поп гүнжийн энэ удаагийн клипийг Кети Перри зэрэг уран бүтээлчид “ямар ч өө сэвгүй” хэмээн дүгнэсэн бол маш хурц, тачаангуй төрхийг нь харсан үнэнч шүтэн бишрэгчдид нь удаан хугацаанд сарниж алга болсон хуучны эрч хүч мэдрэгдэж байна. Ялангуяа цөлд бүжиглэж буй хэсгийг хараад арван жилийн өмнөх “төгс Бритни эргээд ирлээ гэж үү” гэсэн утгатай сэтгэгдэл дийлэнх хувийг эзэлжээ. Ийнхүү түүний эрч хүчтэй байдал ердөө нэг хоногт 4.5 сая гаруй хүнийг татлаа. Харин хоёр долоо хоногийн өмнө зөвхөн аудио хэлбэрээр цацагдсан дууг одоогоор 8.2 сая үзсэн юм.