Apple компани энэ сарын 22-нд шинэ бүтээлээ танилцуулах ёслолынхоо урилгыг хэвлэлийнхэнд илгээжээ. Тэд урилга болгондоо шинэ бүтээлийнхээ сюрпризийн зах зухаас дэлгэдэг заншлаар энэ удаагийнхаа урилгад “We still have a lot to cover” хэмээн бичсэн нь шинээр гаргаж буй iPad 5, iPad Mini 2 таблетууд нь ухаалаг хавтастайгаар /гэр/ гарах гэж буйг илэрхийлсэн хэрэг байх хэмээн хэвлэлүүд бичиж байна.
Өмнө нь, Аpple компани Siri хэмээх ухаалаг программтай iphone 4S-ийг танилцуулахдаа урилгадаа “iPhone-оор ярьцгаая” хэмээн бичиж байсан юм. Үүнтэй нэгэн адил шинэ iPad-ын урилгад cover-ыг нь онцолсон учир түүгээрээ бусад бүтээгдэхүүнээсээ ялгарах байх хэмээн зах зээл хүлээж байна.
Apple-ын өрсөлдөгч Samsung компани өөрийн Galaxy цувралд зориулсан утасны чухал мэдээллийг ил харагдуулдаг, мэдрэгчтэй гэр гаргаж байсан билээ.