1.    Өнгөрсөн зууны 30-аад оноос л зурган хүүхэлдэйгээр бүрэн хэмжээний кино хийх болж. Тухайн үеийн кинонуудаас 1937 онд гарсан “Цасан гүнж ба долоон одой” кино америкийн зах зээлээс 185 сая доллар олж байсан юм. 1994 онд энэ киног сэргээн тоон технологид оруулсан.


2.    1940-өөд оны Уолт Диснейн хит бол яах аргагүй “Бэмби” байлаа. 72 минутын энэ кино америкийн зах зээлээс 102 саяыг хамсан бол дэлхий дахинаас 267 сая долларыг эзэндээ олж өгчээ.


3.    50-иад он Диснейнхэн гэрийн болон тэнэмэл хоёр нохойн тухай адал явдалт кино гаргасан нь бас ээлжит хит кино нь болсон юм. Энэ кино өмнөхөөсөө арай бага ч 94 сая доллар цуглуулсан.


4.    60-аад оны эхээр “101 гөлөг” кино гарсан нь дуулиан тарилаа. Далматин үүлдрийн гөлгүүдийг аварч байгаа тухай энэ кино америкийн зах зээлээс 145 саяыг олсон бол дэлхий дахинаас 215 сая доллар цуглуулж эзнийхээ түрийвчинд хийсэн байдаг.


5.    1973 онд продюссер Ваольфганг Райтерманы найруулсан английн хүмүүнлэг дээрэмчний түүхээр бүтсэн  “Робин Гуд” кино дэлгэцнээ гарсан нь америкийн зах зээлээс жилд 30 сая доллар олсон байна.


6.    80-аад оны сүүлчээр “Рожер туулайн адал явдал” гарсан нь ёстой дуулиан боллоо. Энэ кино зах зээлээс 330 сая доллар хамсан төдийгүй эзэндээ “Сатурн”-ы гурав, “Оскар”-ын дөрвөн шагнал авчирсан юм.


7.    1990-ээд онд Уолт Дисней зурган хүүхэлдэйн амжилтаа эргүүлэн авлаа. Энэ амжилтыг “Араатны хаан арслан” бүрэн хэмжээний кино авчирсан нь зах зээлээс нийтдээ бараг тэрбум буюу 961 сая доллар олсны 432-ыг нь америкийн зах зээлээс олсон байдаг.


8.    Шинэ зуун гарч мэдээллийн технологи асар их дэвшилд хүрлээ. 2001 онд компьютер графикийн аргаар хийсэн  “Шрек”   кино гарсан нь DreamWorks компанид 484 сая долларын ашиг авчирсан юм. Зурган хүүхэлдэйн төрлөөс “Оскар”, мөн BAFTA-ын шагнал хүртсэн дээ.


9.    2010 онд гарсан “Тоглоомын түүх: Зугтаасан нь” кино орлогоороо энэ 10 жилдээ тэргүүлж явна. Энэ кино дэлхийн зах зээлээс 1 тэрбум 63 сая доллар олж хүүхэлдэйн киноны орлогыг 10 оронтой тоонд оруулаад байна даа.