“Facebook” –ийн орлого энэ оны гуравдугаар улиралд 60 хувиар өсч 2,02 тэрбум ам.долларт хүрсэн байна. Үүнээс ашиг нь 425 сая ам.доллар давжээ. Facebook-ийн зар сурталчилгаанаас, тэр дундаа мобайл хувилбарт зориулсан рекламнаас олсон орлого 66 хувиар өссөн нь нийт 2,02 тэрбум орлогын нь 1,8 тэрбумыг бүрдүүлж байгаа аж. Энэ амжилтаа дүгнэж компанийн захирал Марк Зукерберг хэлэхдээ “Facebook одоо мобайл компани болсон. Манай хэрэглэгчдийн тал хувь нь утаснаасаа холбогдож байна” гэжээ.
Энэ мэдээлэл зах зээлд тарсны дараа Facebook-ийн хувьцаа хэдхэн цагийн дотор 15 хувиар өсчээ.