Австралийн Канбера хот дахь “Vodafone”-ийн дэлгүүрт худалдаалж байсан цоо шинэ iPad Air дэлбэрч, гал гарчээ. Таблетын цэнэглэгчийн хэсгээс анх гал гарсан бөгөөд удалгүй дэлбэрч, их хэмжээний утаа май болсон учир ажилтнуудыг гаргаж, гал сөнөөгчдийг дуудахад хүрсэн байна. Apple-ийн iPhone утаснууд шатаж, хэрэглэгчдийг гэмтээсэн явдал цөөнгүй гарсан ч iPad дэлбэрсэн нь анхны тохиолдол болж байна. Энэ явдлаас болоод дэлгүүрт худалдаалахаар зэхээд байсан энэ сарын 1-нээс худалдаанд гарсан  шинэ iPad Air таблетуудын гадна тал нь гэмтэж, зарахын аргагүй болжээ. Apple-ийн төлөөлөгчид тус дэлгүүрт очиж, шатсан таблетаа шинжлэхээр авч явсан бөгөөд юунаас болсныг хараахан тогтоогоогүй байна.