Юнксинг ХУ Өмнөд Хятадын нэгэн ядуу гэр бүлд төрсөн охин. Охин дөнгөж найман сартай байхад түүний гэдэс нь огцом томорч эхэлсэн байна. Эцэг эх нь айж гайхан эмчд хандсан боловч тэд юугаар ч тусалж чадахгүй гэжээ. Гэтэл дөрвөн настай охины гэдэс нь 9 сартай жирэмсэн эмэгтэй гэдэс шиг том болжээ. Охин ердөө 99 см өндөртэй байтал түүний гэдэсний тойрог 105 см болсон учраас хөдлөх хооллоход үнэхээр хэцүү болж эхэлсэн байна. Охины эцэг эх ядуухан ч гэлээ маш их мөнгө хүч эмнэлэгт зарцуулсан байна. Тэд боломжтой бүхий л эмнэлэгтээ хандсан ч эмч нар юугаар ч тусалж чадахгүй гэсэн хариу өгсөн хэвээр л.  Арга нь барагдсан эцэг эх нь тусламж эрэн охиныхоо зургийг интернет ертөнцөөр цацав. Мэдээж өндөр үнэтэй, үйлчилгээ сайтай эмнэлэгт хандах боломж тааруу учраас тэд бусдаас тусламж эрсэн нь энэ.

Охины тухай олж сонссон Бээжингийн төв эмнэлгийнхэн Юнксинг Хуг эмчлэх боломжтой гэж үзсэн учраас яаралтай эцэг эхийн нь хүүхдээ авчирч үзүүлэхийг хүсчээ. Бьян Че эмч өмнө нь ийм тохиолдлыг эмчилж байсан туршлагатай байлаа.Тэрээр охин маш ховор тохиолдох Бадда Киарийн синдром буюу элэгний цусан хангамжийг дэмжиж байдаг веннийн судасны бөглөрлөөс үүдэн илүүдэл өөх, зарим хаягдлыг дотоод эд эрхтэн нь агуулсаар байдаг өвчин гэсэн онош тогтоов. Эмч охиныг яаралтай хагалгаанд оруулан тэрхүү бөөгнөрсөн бохирдлоос цэвэрлэж чаджээ. Одоо охин бие харьцангуй сайн байгаа бөгөөд үеийн хүүхдийн нэгэн адил хувцас өмсч бас өөрөө хөдөлж чадахтайгаа болжээ. Охин бүрэн эдгэрч, дугуй унан усанд сэлж, бас бүжиглэхийг ихэд хүсч байгаагаа илэрхийлсэн байна.