Үнэхээр хачирхалтай. Энэ хүний бие хүйтнийг мэдэрдэггүй. Тэр нэг биш удаа уулын оргилд бараг л нүцгэн шахуу авирч байсан. Мөн мөстэй усанд удаан хугацаагаар халуун усанд орж байгаа мэт л таашаалтай сууж чаддаг. Эмч нар Вимын бие махбодь хүйтэнд ямар ч өөрчлөлт орохгүй байгааг баталсан ч чухам яагаад гэдгийг тайлбарлаж чадаагүй л байна. Вим өдгөө 52 настай. Тэр гэртээ болоод тусгай зааланд очиж иогоор хичээллэдэггүй. Гэхдээ цас мөсөн дээр иогоор хичээллэдэг. Мэдээж ганцхан дотуур өмдтэйгээ л байдаг. Туйлын хүн гэж нэрлэгдсэн энэ эр Финляндын холын гүйлтэд хоёр жил дараалан оролцож байгаа. Хасах 20 градуссын хүйтэнд 22 км зөвхөн шорттойгоо л гүйдэг. Тэрээр тэгээс доош температурт тэсвэртэй байх рекордыг  найман удаа тогтоосон.  2008 онд мөстэй усанд 73 минут 48 секунд сууж шинэ амжилт тогтоож байсан. Зурагчин Хенни Бугер бол Вимыг 25 жилийн өмнөөс мэдэх болжээ. Тэрээр  хөлдсөн нуурын эрэгт болоод цастай хүрээлэнд Вим бараг үл нүцгэн шахуу суугаад иогоор хичээллэж эсвэл ном уншиж байхтай нэг бус удаа таарсан аж. Вимд мөстэй усанд хамтдаа сэлдэг найзууд олон бий гэнэ. Вим багаасаа хүйтнийг үл ажрах дасгал сургуулилт хийсэн бөгөөд нэг ч удаа хүйтнээс улбаатай өвчин тусаагүй байна.