Английн Сполдинг хотоос холгүйхэн нохойгоо салхилуулж явсан хүн ихээхэн хэмжээний мөнгөн дэвсгэрт голоор урсаж явааг хараад цагдаад дуулгажээ. Дуудлагын дагуу ирсэн цагдаа нар голоос нийт 100 мянган ам.доллартай дүйцэх фунтын дэвсгэрт гаргаж авсан аж. Цагдаа нар одоо мөнгөний эзнийг тодруулахаар ажиллаж байгаа гэнэ. Хэрэв эзэн нь тодорвол эхлээд ийм хэмжээний мөнгийг хууль зөрчилгүйгээр олсон эсэх, яагаад голд унагасан гэдгээ тайлбарлах хэрэгтэй болох юм байна.