Заримдаа Леди Гага энгийн нэгэн бүсгүй байхыг хүсдэг бололтой.Гэхдээ мэдээж хэн нэгэн түүнд мөнгө төлбөл шүү. Тэр бусдын өмнө хэзээ ч энгийн нэгэн бүсгүй болон харагдахыг хүсдэггүй ч Донателла Версаче түүнд энэ боломжийг бүрдүүлж өгчээ. Учир нь Versace брэндийн шинэ нүүр царайгаар Леди Гагаг сонгоод буй аж. Дээдсийн тансаг зэрэглэлд хэмээх энэ брэндийг үндэслэгч Жанни Версаче үүнийг хэрхэн хүлээж авахыг мэдэх аргагүй ч түүний дүү Донателла харин их сэтгэл хангалуун байгаа гэнэ. “ Энэ бол бидний хувьд нэр төрийн хэрэг. Versace брэнд жинхэнэ үнэт эрдэнэ олсон. Түүний гоо үзэсгэлэнг бид жинхэнэ дур булаам эмэгтэй хүний хувцсаар л тодруулж чадна...” гэжээ.


Интернэт ертөнцөд аль хэдийнэ удахгүй загварын томоохон сэтгүүлүүдийн хуудсыг чимэх зургууд үзэгдэх болсон аж.  Леди Гага үнэхээр өөрчлөгджээ. Энэ зургаас бид ихэмсэг, гоо үзэсгэлэнтэй урт шаргал үст бүсгүйг харж байна. Магадгүй Донателла Версаче 20 жилийн өмнө яг иймэрхүү харагдаж байсан биз.


Гэвч энгийн амьдралд Леди Гага өөрийнхөө стильд үнэнч гэдгээ илэрхийлнэ. Зураг авалтын өрөөнөөс гарсан л өнөөх өвөрмөц Леди Гагаг харах болно.