Шармаг элсэг бол хамгийн хол нүүдэллэдэг шувуу юм. Далавч нь ердөө 51 см хүрдэг энэ бяцхан шувуу Аргентин, Чили хавиар өвөлжөөд зундаа Канадын Арктик хүрдэг юм. Энэ хооронд дунджаар 9300 миль 15 мянган километр бөгөөд мятрашгүй тэнхээт энэ шувуу жилд хоёр удаа энэ хол замыг туулдаг байна. Ингэхдээ тэд 1500 миль буюу 2400 километр газар ганц ч амралгүй далавчаа дэвэн нисдэг гэнэ.
Ийн элчилгүй холын замд аялахад тэдэнд мэдээж их хүч тэнхээ хэрэгтэй. Үүний тулд хоол тэжээл сайн идэх хэрэгтэй боловч тэдний замдаа саатаж хооллодог Делавэйрийн тохой орчимд тэдний гол хүнс болсон далайн хавч нь ховордсоноос алжааж ядарсан шувуудын тоо толгой цөөрөх болжээ. Холын замд хоолгүй ядарсан шувуудын нөхөн үржих чадвар огцом буурдаг байна. Үүнээс шалтгаалаад шармаг элсэгийн тоо толгой 1980 оноос хойш 75 хувиар цөөрсөн гэдэг судалгааны тоо баримт байна.