Японы инженерүүд бүхий л мөнгөө үрчих гээд байгаа үрэлгэн эзнээсээ зугтаадаг арвич түрийвч зохион бүтээсэн байна. Үүнээс гадна энэ түрийвч эзнийхээ байнга худалдан авдаг зүйлсийн мэдээллийг хадгалж, гар утас руу нь мэдээлэл дамжуулж чадна гэнэ. Ингэж мэдээллээ цуглуулан тооцоолоод  эзэн нь энэ зүйлийг худалдан авч хэрэгтэй юу үгүй юу, татгалзах ёстой юу гэдэг шийдэл гаргаж эзэндээ зөвлөх юм байна.

Эзэн нь сүүлчийн мөнгөө шавхах гэж  байгаа бол түрийвчний хамгаалах систем ажиллаж эхэлнэ. Энэ нь эхлээд эзнээсээ “зугтаах” бол эзэн нь үгэнд нь орохгүй мөнгөө авах гээд байвал “хашгирна”. Тэгээд болохгүй бол эзнийхээ эхнэр юм уу, хадам эх рүү мессеж илгээн тусламж гуйх юм байна.