“Facebook”-ийн хэрэглэгчдийн тоо жил ирэх тусам нэмэгдэж, аль хэдийнэ нэг тэрбум давсан ч сүүлийн үед хүүхэд залуус дунд Facebook хуудсаа хаах явдал цөөнгүй тохиолдож байна. 2011 оноос хойш 11 сая хүүхэд залуус энэхүү олон нийтийн сүлжээн дэх бүртгэлээ бүрмөсөн хаасан гэдэг судалгаа гарсан байна. Тэдгээрийн дөрвөн сая орчим нь ахлах сургуулийн хүүхдүүд байгаа бол долоо сая орчим нь коллежийн насны залуус байгаа аж. Ер нь, сүүлийн үед хүүхэд залуус дунд Facebook-ээ нэг бол хаах эсвэл өмнөхөөс бага цагаар ашиглах хандлага илт ажиглагдаж байгаа тухай тус компани өнгөрсөн намар мэдэгдсэн билээ. Гэхдээ юу учир гэдэг шалтгааныг тодорхой судалсан зүйл одоогоор алга байгаа аж.