Айфа Хатун яг л хөлд орох гэж байгаа бяцхан охин шиг, үргэлж хэн нэгэн харж хандаж байхгүй бол ганцаараа хэд ч алхаж чаддаггүй. Гэвч тэр одоо 19 настай.
Ээжийнхээ энгэрийн тэмдэг мэт үргэлж зүүгдээстэй өдөр хоногуудыг өнгөрүүлэх энэ охин бүр хоёр настайдаа өсөлт нь зогсчээ. Охин 1994 онд төрсөн, хөлд орхоод удаагүй байхдаа л гэнэт өсөхөө больсон учир эцэг эх нь эмнэлэгт хандахад эмч нар түүнийг эргээд өснө гэж хэлсэн байна. Гэвч охин өссөнгүй, эмч нар ч оношоо өөрчилж, хорт хавдар, эсвэл гормоны гажиг гэлцдэг байж.
Ямартай ч охины амьдардаг Энэтхэгт энэ өвчнийг оношилж чадахгүй байсаар охин “том болжээ”.  Одоо харин Айфагийн өсдөггүй шалтгааныг Лароны синдром хэмээн эрдэмтэд үзэж байна. Лароны синдром гэдэг генетикийн өвчнөөр дэлхий дээр 300 хүн бүртгэгдсэн байдаг аж. Ийм хүмүүсийн өсөлтийн фактор 1 хэмээх гормоны дутагдалтай байдаг нь шинэ эс үүсэх, өсөх процессыг дэмжиж чадахгүйд хүргэдэг байна. Гэхдээ энэ өвчний нэг давуу тал гэх үү гормоны өөрчлөлтөөс болоод ийм хүмүүс хэзээ ч хорт хавдар, чихрийн шижингээр өвчилдөггүй аж.
Хачирхалтай нь, Лароны өвчтэй хүмүүсийн бараг гуравны нэг нь Экуадорын өмнөп хэсгийн Ложа хэмээх газар байдаг гэнэ.  
Лароны синдромтой хүмүүс насан туршдаа яг л нялх багынхаараа байсаар хөгширдөг гэнэ. Айфа гэхэд зөвхөн бие нь жижигхэн ч биш, хэл ярианы хөгжил ч хоёр настай үеийнх шигээ ээжийгээ “маа”, аавыгаа “баба”, дүүгээ “диди” гэх мэтчилэн дуудахаас хэтэрдэггүй аж.

Айфа шиг бас л өсөлт нь учир битүүлгээр зогссон Брүүк Гринберг хэмээх эмэгтэй АНУ-д байсан юм. Тэрээр яг л нялх хүүхэд шиг байсаар 20 насалж, өнгөрсөн аравдугаар сард нас барсан юм. Түүний өсөлт зогссон шалтгааныг эмч нар бас л тогтоож чадаагүй учир “X синдром” гэж нэрлээд л зогссон байна.


Брүүк Гринберг

Экуадорт амьдардаг Лароны синдромтой хүмүүс

Лароны синдромтэй эр хүүхдүүдтэйгээ