Канадын дуучин Жастин Биберийн хувийн нисэх онгоцыг америкийн Титерборо хотын нисэх буудалд хууль сахиулах байгууллагынхан саатуулахад хүрсэн байна.                 Энэ нь түүний онгоцон дотор марихуан мэт мансууруулах бодис ихээр үнэртэж байснаас болсон гэнэ. Биберийг буусны дараа онгоцонд гаалийнхан, хилийн албаныхан үнэрч нохойтой цуг  орон шалгаж эхэлсэн байна. Үүний зэрэгцээ дуучныг бас цагдаагийнхан асууж байцааж эхэлжээ.
Гэсэн ч шалгалтын эцэст Биберийн онгоцноос хар тамхи, мансууруулах  бодис илрээгүй гэж хуулийнхан мэдэгдсэн байна.

Дуучин Бибер найзуудтайгаа Канадаас америкийн Нью-Жерсид ирж америкийн хөл бөмбөгийн тэмцээний  өмнөх үдэшлэгт оролцох гэж байжээ.
Жастин Биберийг өнгөрсөн долоо хоногт бас америкийн Майами-Бич хотод согтууруулах ундаа хэрэглэсэн үедээ машин барьж явсан гэж саатуулж байсан юм. Энэ хэргийн нь төлөөх шүүх хурал хоёрдугаар сарын 14-нд болох юм.