Америкийн Пенсильванийн их сургуулийн эрдэмтэд хүний ДНХ-ийн онцлогоор нүүр царайг нь тодорхойлдог аргачлал бий болгосон байна. Судалгааны явцад эрдэмтэд АНУ, Бразиль болон Кабо-Вердед аж төрдөг янз бүрийн гарал үүсэлтэй 592 хүнийг сонгон судалжээ. Тэд судалгаанд  хамрагдсан хүмүүсийн нүүрийг 7000 цэгийн байршлыг агуулсан өндөр нарийвчлалтайгаар гурван хэмжээст дүрсийг нь гарган авч. Дараа нь тэдгээр хүмүүсийн ДНХ-ийн дээжийг аваад генийн хувийн онцлог бүхий дараалал ба нүүр царайны өөрчлөлт хоорондын хамаарлыг судалсан байна.
Ингэснээр хүний зөвхөн ДНХ-ийн дээжийг ашиглан нүүр царайных нь төрхийг гаргаж авдаг тусгай программ зохион бүтээжээ. Гэхдээ энэ программ нь хараахан төгс биш царайны зөвхөн хамгийн ерөнхий бүдүүвчийг л гаргадаг. Цаашид боловсронгуй болвол ДНХ-ийн дээжийг ашиглан хүний арьс ба нүдний өнгийг тогтоодог аргачлалын хэмжээнд очно.