Америкийн иргэн Крис Севьер өөрийнхөө зөөврийн компьтертэй гэрлэхээр шийдэж үүнийг нь хүлээн зөвшөөрч бүртгэж өгөхийг хүсэн шүүхэд өргөдөл гаргажээ. Ганц бие тэрээр зөөврийн компьютер худалдан авч порно кино, дүрс бичлэг үзсээр байгаад үүндээ донтож өөр бусад хүн, эд зүйлийг тоохоо болин зөвхөн компьютертэйгээ л секс хийдэг болсон тухайгаа 50 хуудас өргөдөл болгон бичиж Флорида мужийн тойргийн шүүхэд өгчээ.  
Шүүх түүний өргөдлийн хариуд АНУ-ын хэд хэдэн мужид ижил хүйстэнтэйгээ гэрлэхийг зөвшөөрдөг ч, эд зүйлтэй гэрлэхийг хаана ч зөвшөөрдөггүй болохоор хүсэлтийг нь биелүүлэх боломжгүй гэсэн хариу өгсөн байна. Тойргийн шүүгч Роберт Хинкл “Энэ хүний хүсэлт бодит байдлаас хэтэрхий тасархай болохоор шүүхээр шийдвэрлэх аргагүй” гэжээ. Жилийн өмнө Севьер бас худалдаж авсан компьютер нь порнограф үзэх боломжгүй байна гэж Apple компанийг шүүхэд өгч байсан юм байна.