Үлгэрт гардаг шиг жинхэнэ загасан хөлтэй дагина манай дэлхийн далай тэнгисийн усанд байдаг гэж Америкийн Далай, уур амьсгал судлалын үндэсний удирдах газрын эрдэмтэд баталж байна. Эндхийн мэргэжилтнүүд хэдий цагаас бүр палеолитийн үеэс буюу 30 мянган жилийн тэртээгээс зураг дээр дүрслэгдсээр ирсэн цээжин бие нь хүн, бөгсөн бие нь загас хэлбэртэй ийм ид шидийн юм шиг бүсгүйчүүд өнөөдөр ч гэсэн дэлхийн өнцөг булан бүрт далай тэнгисийн усанд амьдарч байгаа гэж дүгнэсэн байна.
Телевизийн Animal Planet суваг өнгөрсөн онд  “Загасан хөлт дагина-бие нь олдлоо” гэсэн тусгай кино гаргаж энэ талаарх баримтуудыг дэлгэсэн байна.
Далай, уур амьсгал судлалын үндэсний удирдах газрын хэвлэлийн нарийн бичгийн дарга Сэнди Никсон “Weekly World News” хэвлэлд ярилцлага өгөхдөө яг энэ талаар судалгаа хийдэг 65 эрдэмтэн шинжээч Таитид цуглаж далайн гүнд  энэ чиглэлээр  ярилцан юутай ч гэсэн загасан сүүлтэй хүн өнөө ч гэсэн далай тэнгист амьдарч байгаа юм байна гэсэн дүгнэлтэд хүрсэн гэжээ.
Загасан сүүлтэй ийм дагинасын ихэнх нь Карибын тэнгис, Газар дундын тэнгис, Номхон далай, Атлантын далайн өмнөд хэсэг гэх мэт дулаан усанд байдаг гэж эрдэмтэд үзэж байна.