“Asian shop” хамтлагийнхан ирэх сард багтааж өөрсдийн “Монгол жаз” хэмээх шинэ цомгоо өлгийдөн авах аж. Тэдний шинэ цомог дан монгол жааз стилийн 12 дуунаас бүрджээ. Монголын  жааз  хөгжмийн  урсгалд нэгэн  шинэ түүхийг  бичсэн  “Asian shop” хамтлагийнхан өнгөрсөн сард анхны жаз стилийн цомгийнхоо нээлтийн баяраа нижгэр хийсэн билээ. Мөн “Asian Shop” хамтлаг нь Монголдоо төдийгүй Ази тивд энэ урсгалаар уран бүтээлээ туурвидаг анхны эрэгтэй хамтлагаар тодорч 2010 онд Бээжин хотноо зохиогдсон Азийн 10 гаруй орны мэргэжлийн залуу уран бүтээлч оролцсон “Ази тивийн шилдэг залуу уран бүтээлчдийг шалгаруулах наадам”-д Монгол Улсаа тэр дундаа залуу уран бүтээлчдээ төлөөлж  оролцож, дууны төрөлд шилдэг эрэгтэй хамтлагаар шалгарч гранпри шагналыг нь эх орондоо авчирч байсан юм.