Арабын ертөнцөд аюул тарьж байгаа “Лалын улс” зэвсэгт бүлэглэлийн талд оросын иргэд байлдаж байгааг олж мэдсэнээ ОХУ-ын ГХЯ-ны дэд сайд Михаил Богданов “Коммерсантъ”  сонинд өгсөн ярилцлагадаа онцолсон байна. Яг хэдэн хүн лалын зэвсэгт бүлэглэлийн талд дайтаж байгааг дэд сайд тодорхой хэлээгүй ч хэдэн арван хүн байгаа гэжээ. Юутай ч Гадаад хэргийн яам 70-80 хүн байгаа гэж багцаалж байгаа юм байна.
Терроризм бол дэлхий нийтэд, түүн дотор Орост  тулгарч байгаа том аюул гэж Гадаад хэргийн дэд сайд Богданов тэмдэглэжээ.

“Лалын улс” бүлэглэлийн дайчдыг, тэдний талынхныг баривчлан саатуулсан тухай мэдээлэл Европын орнуудад сүүлийн үед олонтаа гарах болоод байгаа юм. Өнгөрсөн долоо хоногт гэхэд л  Берлинд жихадуудын талд байлдаж байсан нэгэн эрэгтэйг саатуулсан юм. Үүний зэрэгцээ Белги, Турк, Австри, Иорданн, Марокко эрэг орнуудад жихадуудын хамсаатныг эрж хайж байна.