Умард Солонгосын удирдагч Ким Чен Ун өнгөрсөн есдүгээр сарын 3-нд хамгийн сүүлийн удаа олон нийтийн өмнө харагдсан. Түүнээс хойш тэрээр бүхий л арга хэмжээ, БНАСАУ-ын Ардын их хуралд ч оролцолгүй өнөө хүрч байна.
Умард Солонгосын телевиз түүний их сонин дүрсийг хоёр  удаа л харуулаад өнгөрсөн юм. Нэг удаад нь албан ёсны арга хэмжээн дээрх суудлыг нь, нөгөөд нь энэ нэгдүгээр сард 31 нас хүрсэн удирдагчийн нэлээд доголж яваа дүрсийг.
Албан ёсоор бол Ким Чен Уныг хоёр шагайндаа / зарим эх сурвалж өвдгөндөө/ гэмтэл авсан гэж мэдээлж байгаа. Энэ нь түүний улс орноороо явах аль нэг айлчлалын нь үеэр болсон байж болох юм. Үүнээс гадна тэрээр чихрийн шижин өвчин туссан гэсэн мэдээлэл байгаа ч өөрөө үүнийг няцааж байгаа.  

Умардад төрийн эргэлт гарч Ким Чен Уныг  түлхэн унагасан байж магадгүй гэж барууны хэвлэлүүд өнөөдөр бичиж байна. Шинжээчид үүнийгээ юун түрүү Өмнөд Солонгост хийсэн айлчлалын бүрэлдхүүнийг тус улсын хоёр дахь хүн Хван Пионг Така толгойлж очсоныг баримт болгон нэгдүгээр хүн байсаар байхад ингэснийг онцолсон байна.
Үүнээс үүдээд барууны эх сурвалжууд Сөүл дэх судалгаа шинжилгээний төвийн мэдээллээс иш татан Умард Солонгост төрийн эргэлт гарч Ким Чен Уныг огцруулсан байх гэж байгаа юм.  Ийм тохиолдолд төрийн эрх түүний дүү бүсгүйд шилжсэн байх магадлалтай гэнэ.

Умард Солонгосоос Өмнөдөд зугтаж ирсэн, сөрөг тагнуулын офицер Жан Жин Сун сүүлийн үед Ким Чен Ун улс орноо удирдахгүй байгаа болохоор төрийн эргэлт ойролцоогоор жилийн өмнө гарсан байж магадгүй гэж баталж байна.
Барууны ажиглагчид болохоор энэ мэдээлийг няцааж Умард Солонгосын удирдагчийг хэн түлхэн унагаах вэ, тийм гаргалгаа алга гэж байгаа юм.

Харин Сөүлийн шинжээчид болохоор өнөөдөр Пеньянд цэрэг оруулаад хотод хэнийг ч оруулахгүй, бас хэнийг ч гаргахгүй бүсэлсэн гэж мэдээлж байна хэмээн ermakinfo.ru сайтад бичжээ.