ОХУ-ын Ерөнхийлөгч Владимир Путин Украины ерөнхийлөгч Порошенкод Зөвхөн Киевт ч бус  Варшав, Вильнюс, Бухарест, Европын холбооны болон НАТО-гийн гишүүн орнуудын нийслэлд хоёр өдрийн дотор цэргээ оруулж чадна гэж мэдэгдсэн байна. Энэ талаар Европын холбооны Гадаад улс төрийн албаны мэдээнд болон германы Süddeutsche Zeitung сониноос иш татан “Украины үнэн” сонин мэдээлжээ.
“Хэрвээ би хүсвэл хоёр өдрийн дотор өөрийн цэргээ танай Киевт төдийгүй бүр Рига, Вильнюс, Таллин, Варшав, Бухарестад ч оруулж чадна” гэж ОХУ-ын Ерөнхийлөгч хэлжээ.
Украины Ерөнхийлөгч Порошенко хариуд нь Еврокомиссын ерөнхийлөгч Жозе Мануэль Баррозын ярианы агуулгыг дамжуулж хэлсэн байна.  
Үүнээс гадна германы хэвлэлийн мэдээлснээр бол Путин Украины ерөнхийлөгчид “Европын холбоотой нэг их битгий дотнос” гэж зөвлөөд үүний хариуд “Европын зөвлөлийн түвшинд нөлөөлж, эсвэл хааж боож чадна” гэжээ.