АНУ-ын ерөнхийлөгч Барак Обамагийн Үндэсний аюулгүй байдлын зөвлөх Сьюзан Райс “Удаан хугацаагаар олны өмнө харагдахгүй байгаа БНАСАУ-ын удирдагч Ким Чен Уныг засгийн эрхээс зайлуулсан тухай ямар нэгэн тодорхой шинж тэмдэг харагдахгүй байна” гэж мэдэгдсэн байна.
Тэрээр “БНАСАУ-д болж байгаа үйл явдлыг анхааралтай ажиглаж байна. Гэхдээ тэнд төрийн эрхийг шилжүүлсэн талаар ямар ч шинж тэмдэг олж харахгүй байна” гэж NBS телевизэд өгсөн ярилцлагадаа мэдэгджээ.
Умард Солонгосын удирдагч аль есдүгээр сарын 3-нд л эхнэртэйгээ концерт үзэхээр явахдаа харагдсан бол барууны хэвлэлүүд түүний хөл доголж байна гэж мэдээлсэн юм. Одоо хэвлэлүүд түүнийг 100 хоног эмчлүүлэх болсон тухай мэдээлж байна.