БНАСАУ дахиад л Өмнөд Солонгос руу зэвсэглэсэн мөргөлдөөн үүсгэнэ хэмээн заналхийллээ. Өмнөд Солонгосын коммунизмын эсрэг идэвхтнүүд өнгөрсөн баасан гарагт  Умардын удирдагч Ким Чен Уныг шүүмжилсэн ил захидлуудыг агаарын бөмбөлгөөр хоёр улсын хил давуулан цацсаны хариуд ингэж мэдэгдсэн байна.

Агаарын бөмбөлөг хөөргөх үеэр Умардынхан пулемётоор буудсан бол Өмнөд Солонгосын тал хариуд нь их буугаар буудсан юм. Буудалцах үеэр хоёр талаас хэн нэгэн өртсөн талаар мэдээлээгүй  байна.  Пеньян энэ тухайд “Энэ бол харилцааг сайжруулахад хамгийн муугаар нөлөөлөх  үйлдэл” гэсэн байна.