Шведийн Батлан хамгаалах яамны тараасан зураг

Шведийн Батлан хамгаалах яам нийслэл Стокгольмын нутаг дэвсгэр, тэнгисийн буланд ажиглагдсан  гадаадын усан доогуур шумбагч хөлгийн зургийг тараасан байна. Цэргийнхний баталж байгаагаар бол энэ хөлөг тус орны нутаг дэвсгэрийн усан хилээс гарахгүй байсаар байгаа гэнэ. Гэхдээ шведийн цэргийнхэн үүнийг улсынх нь нутагт дэвсгэр, усан хилд халдсан гадаадын ямар нэгэн өдөөн хатгалга эсэхийг тодорхой хэлэх боломжгүй гэж байна. Шведийн контр-адмирал Андерс Гренстад хэвлэлийн бага хурал дээр нийслэлийн усан хилд байгаа гадаадын усан доогуур шумбагчийн зорилгыг тодорхойлохоор зэвсэгт хүчнийхэн ажиллаж байгаа гэжээ.
Үүний өмнө нэрээ хэлэхийг хүсээгүй эх сурвалжийн энэ бол оросын усан доогуур шумбагч хөлөг байх гэснийг Шведийн хэвлэлүүд дамжуулсан  юм.
Харин ОХУ-ын БХЯ энэ 19-ний өдөр үүнийг няцааж “Оросын бүхий л шумбагч хөлөг Номхон далайд төлөвлөгөөт ажлаа хийж байгаа, манай цэргийн хөлгүүдэд ямар нэгэн осол гараагүй” гэж мэдэгдээд байна.