Болгарын нийслэл Софи хотод тус улсын ерөнхийлөгчийн ордны өмнө талбайд 38 настай эмэгтэй өөрийгөө шатааж эсэргүүцлээ илэрхийлсэн хэрэг гарчээ. Тэр эмэгтэй таксигаар ордны дэргэд буугаад  ордны өмнө талбай дахаь усан оргилуурын дэргэд очиж өөр дээрээ шатах шингэн асгаад гал тавьсан гэнэ. Эмэгтэйг эмнэлэгт хүргэснэ ч биеийн нь 98 хувь түлэгдсэн гэж эмч нар хэлжээ.
Энэ он гарснаас хойш Болгарт өөрийгөө шатаах гэсэн оролдлого зургаан удаа гараад байгаа юм. Ихэвчлэн амьдралын түвшин эрс доошилж байгаа, улс оронд нь авлига их газар авсныг эсэргүүцэж ийм үйлдэл хийдэг байна.