АНУ-ын Флорида мужийн Форт Лодердэйл хотын оршин суугч Арнольд Эббот орон гэргүй хүмүүсийг хооллосон “хэргээр” баривчлагджээ. 90 настай оршин суугч хотынхоо орон гэргүй хүмүүст хоол бэлтгэн өгсөн нь буруудаж, Өмнөд Флоридагийн паркт хоол тарааж байхад нь цагдаагийнхан ирээд эгээ л гэмт хэрэгтэн аятай “Наад тавгаа газар тавь” хэмээн шаардсанаа шинэ хууль журмыг зөрчсөн хэмээн түүнийг баривчилжээ. Тус мужид гарсан шинэ хууль ёсоор оршин суугчид олон нийтийн газар бусадтай хоол хүнсээ хуваалцаж идэ­­­хийг хориглосон аж. Ар­нольд нэгэнт энэ хуулийг зөрчсөн болохоор хэсэг хугацаанд хоригдох, бас 500 ам.доллараар торгуулах шийтгэл түүнийг хүлээж байна. Хэдийгээр энэ хуулийг ядуу зүдүү амьдралтай хү­мүүс, мөн өгөөмөр сайхан сэт­гэл­­тэй оршин суугчид бу­руу­­шааж байгаа ч хотын захирагч хуулийг хэлбэрэлтгүй хэрэгжүүлнэ, хотын төвдөө иймэрхүү хүмүүсийг байлгаад тэднийг хоол хүнсээр хангаад байх нь зөв биш гэж мэдэгджээ.